සූරිය මංගල්ලෙට වතුරත් කැපෙන ලකුණු

පවතින දැඩි වියළි කාලගුණික තත්ත්වය හමුවේ දිවයිනේ බොහෝ ප්‍රදේශවල ජල මූලාශ්‍ර සීඝ්‍රයෙන් සිඳී යමින් පවතින බැවින්, පානීය ජලය අපතේ නොයවා අරපිරිමැස්මෙන් පරිහරණය කරන ලෙස ජාතික ජල සම්පාදන හා ජලප්‍රවාහන මණ්ඩලය මහජනතාවගෙන් විශේෂ ඉල්ලීමක් කරයි.

විශේෂයෙන්ම ජනතාව අනවශ්‍ය ලෙස ජලය පරිභෝජනය කිරීම නිසා උස් බිම්වල සහ නළ මාර්ගයේ අන්තයේ සිටින පාරිභෝගිකයින්ට අඩු පීඩනයක් යටතේ ජලය ලැබීමේ හෝ ජල සැපයුම ඇණහිටීමේ අවදානමක් පවතියි.

මේ හේතුවෙන් ගෙවතු වගාවන් සඳහා ජලය දැමීම, වාහන සේදීම සහ පදික වේදිකා පිරිසිදු කිරීම වැනි අත්‍යවශ්‍ය නොවන කටයුතු සඳහා නළ ජලය භාවිත කිරීමෙන් හැකිතාක් වැළකී සිටින ලෙස නිලධාරීන් උපදෙස් දෙයි.